ოლეანდრები და სხვა მცენარეები ხელით მოხატულ სარკის ჩარჩოებზე
font-large font-small
ოლეანდრები და სხვა მცენარეები ხელით მოხატულ სარკის ჩარჩოებზე
"ასე მგონია, სუნთქვაზე ადრე ხატვა დავიწყე"

ინტერიერს განსაკუთრებულ ხიბლს სხვადასხვა ორიგინალური ნივთი სძენს. მათ შორისაა სარკე, რომელიც ყველას სჭირდება. თაკო ბავშვობიდან ხატავს, აქსესუარებს ქმნიდა, მაგრამ ბოლო პერიოდში სარკის დიზაინმა გაიტაცა. ის ოჯახთან ერთად რუსთავში ცხოვრობს, პერიოდულად ღია სივრცეში მუშაობს. "მთელი ზაფხული მშობლებთან, ბაბუასა და ნათესავებთან, სოფელ კარალეთში ვიყავი. ჩემთვის უფრო მოსახერხებელია ბუნებასა და კარგ ამინდში, მზის შუქზე მუშაობა. ღია ცის ქვეშ ფერები უფრო რეალური გამოდის, კარგად "ჯდება" და ნახატიც მალე შრება", - ამბობს მხატვარი თაკო დვალიშვილი.

GzaPress
- სარკეების დამზადება დაახლოებით 1 წლის წინ დავიწყე. მანამდე სამკაულებს ვქმნიდი. შვილებთან ერთად სეირნობისას, ქუჩაში ლამაზი ფერისა და ფორმის ქვებს რომ ვნახავდით, შინ მოგვქონდა. ქვებს ტყავზე ვამაგრებდი და ბისერებით, ყვავილებითა და თოკებით ვქმნიდი ყელსაბამებს, გულსაბნევებს, სამაჯურებსა და საყურეებს. თავიდან ეს ჰობი იყო, განტვირთვის კარგი საშუალება, მაგრამ შემდეგ ჩემს ყოველდღიურ საქმიანობად იქცა. მოგვიანებით, გამომდინარე იქიდან, რომ სარკე ყოველდღიურად გვჭირდება, ყველა ქალის განუყრელი ნივთია, ის მუდამ ჩვენს სამსახურშია და გვეხმარება ვიყოთ ლამაზები, გადავწყვიტე, ამ ნივთებზე მუშაობა დამეწყო. თავიდან 3 ვარიანტი გავაკეთე და სოციალურ ქსელში განვათავსე. როგორც კი ხალხის მოწონება ხვდა და ინტერესი დავინახე, სტიმული მომეცა, გავაქტიურდი. პირველი მოდელი იყო მრგვალი ფორმის, ასე ვთქვათ, გადაჭრილი, რომლის ერთი ნაწილი იყო მოხატული. ვფიქრობ, განსხვავებული დიზაინია და პირადად მე, აქამდე არსად მინახავს. შემდეგ უკვე სარკეებს დეკორი გარშემო გავუკეთე, მაქვს ოთხკუთხედი ფორმებიც. ვმუშაობ საბავშვო ხაზზეც. მაგალითად, ერთ-ერთი ბოლო მოდელი იყო მზე, რომელიც დამკვეთის სურვილის მიხედვით შეიქმნა. სარკეებს ძირითადად, ხის ჩარჩოებს ვუკეთებ, მაგრამ ერთ-ერთ მოდელს "დევეპეს" საშუალებით ვქმნი. სარკის ჩარჩო ოლეანდრის ფოთლების დეკორია და ეს მასალა მაძლევს საშუალებას, კუთხეები სურვილისამებრ გამოვჭრა.
2 შვილი მყავს, 4 და 7 წლის აქტიური და ცელქი ბიჭები, რომლებიც ნაწილობრივ ჩართულები არიან ჩემს საქმეში და ერთად ვხატავთ ხოლმე. მათ მოსწონთ დედიკოსთან ერთად საქმიანობა (იღიმის).
GzaPress
- რამდენად უძლებს ეს სარკეები სინესტეს და შეიძლება თუ არა მათი სააბაზანოში დაკიდება?
- სარკის ხის ჩარჩოები აკრილის საღებავებით იხატება, შემდეგ ორივე მხრიდან ლაქით მუშავდება და შესაბამისად, როგორც სამზარეულოში, ისე სააბაზანოში, მისი გამოყენებაც შესაძლებელია.
- შინ თუ გაქვთ თქვენი ხელით მოხატული სარკე?
- დიახ. საერთოდ, მსიამოვნებს მოხატული ნივთების ყურება. მგონი, ყველაფერს ვხატავ, სკამებსა და სხვა ავეჯსაც. ასე მგონია, სუნთქვაზე ადრე, ხატვა დავიწყე. სკოლის პერიოდიდან მოყოლებული, სულ ვცდილობდი ბებიის ნაქონი ნივთებისა თუ სამოსის გამოყენებას. აქედან გამომდინარე, გამორჩეულად გამოვიყურებოდი, როცა ისეთივე ტანსაცმელი არ მეცვა, რაც შეიძლებოდა ყველას სცმოდა.
GzaPress
- გამოდის, სამოსში ვინტაჟი მოგწონთ, თუმცა თქვენი სარკეების დიზაინი თანამედროვეა...
- დიახ, სარკეებს თანამედროვე სტილი აქვს, თუმცა მომავალში ვაპირებ ვინტაჟური ნივთების შექმნასაც. ჩარჩოებზე მცენარეები ჭარბობს და ვფიქრობ, ასეთი ნახატებიდან მეტი ჰაერი "მოდის" და სივრცე იკვეთება. საერთოდ, ყვავილები მომწონს. სამწუხაროდ, ბევრი ქოთნის ყვავილი არ მაქვს. მამას უყვარს, ბევრი აქვს და კარგად ახარებს. სწორედ მისი მცენარეებით ვქმნი კომპოზიციებს სარკეების ფოტოების გადასაღებად.
ანა კალანდაძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ნურასდროს ნუ ვიტყვით: სოხუმი დაეცა...
მოცეკვავე წყვილი, რომელიც იძულებული გახდა, სხვა ქვეყანაში წასულიყო
თოჯინების თეატრში ცირკის წითელი ხალიჩა იშლება
რას ჰყვება დროებითი შრომითი ემიგრანტი
"მამა დახეული ფეხსაცმლით იყო მოსული ერთ-ერთ ფესტივალზე, როდესაც პირველი ადგილი დავიკავე..."
ლალი ბარძიმაშვილი: "მე სულ სხვანაირი ირაკლი დავინახე"
ამბავი თამარ მიქაძის მიერ ამერიკაში მოწყობილ პატარა საქართველოზე
მის მახსოვრობაზე ლეგენდებს ჰყვებოდნენ.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
გამოკითხვა
გქონიათ თუ არა იმედგაცრუება სიყვარულში?
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი